သံင်းလောဟ်လိက်ဖၠုံခါ့ ကြိုဒ်ၜးသှ်ေယာ့ (Eastern Pwo Karen Language Teaching Handbook)
----------------------------------------------------------------------------------------------------------------------
၁ ၂ ၃ ၄ ၅ ၆ ၇ ၈ ၉ ၁၀
0 1 2 3 4 5 6 7 8 9 10
လေ၀်ယေါ၀်ႋလ်ု ဖၠုံခၞံင်ႋ ဖိုင်သီးဏေ၀်ႋလ၀့်။
--------------------------------------------------------------------------------------------------------------------------
လိက်က်ုယိုင့် (Eastern Pwo Karen Vowels) ဏှ်ဍ၀် အင်းတာင်လင်ထ၀ယ် အှ်လ်ုဆီ့လီႋဖၠုံးလှ်။ ဆ်ုလ်ုဆီ့လီႋဖၠုံးဏှ်မွာဲ၀ေ့ဍး
အ (-) |အါ ( -ါ) |ဣ ( -ိ) |ဤ ( -ီ ) | ဥ ( -ု ) | ဦ ( -ူ ) |အေ ( ေ-) |
အဲ ( -ဲ )| အို ( -ို ) | ဩ ( ေ-ါ)| အဴ ( -ဴ ) | အ်ု ( -်ု ) | အံ ( -ံ ) |အး ( -း ) |
ခ္ဍို၀်(ခ်ုဍို၀်)ထင်းလိက်မော၀်ႋဖၠုံး ဍေလိက်က်ုယိုင့်အ်ုခါ့ ကြိုဒ်ၜး ခ္ဍို၀်(ခ်ုဍို၀်)ထင်း ၜေ့အ်ုဖင့်လယို၀်သို၀်လှ်၊
---က ကေ၀်လင်ဍေ အ (-) က၊ (က ကေ၀်လင် က)
---က ကေ၀်လင်ဍေ အါ ( -ါ) ကါ၊
--- က ကေ၀်ထင်းဍေ ဣ ( -ိ ) ကိ၊
--- က ကေ၀်ထင်းဍေ ဤ ( -ီ ) ကီ၊
--- က ခွေ၀်လင်ဍေ ဥ ( -ု ) ကု၊
--- က ခေ၀်လင်ဍေ ဦ ( -ူ ) ကူ၊
--- က ကေ၀်ဍိင်ဍေ အေ ( ေ-) ကေ၊ (-ေ ကေ၀်ဍိင်ဍေ က ကေ)
--- က ကေ၀်ထင်းလင်ႋခါင့် ဍေ အဲ ( -ဲ ) ကဲ၊
--- က ကေ၀်ဍိင်ဍေ အို ( -ို ) ကို၊
--- က ကေ၀်ဍိင်ဍေ ဩ ( ေ-ါ) ကေါ၊ (-ေါ ကေ၀်ဍိင် ဍေ က ကော)
--- က ခွေ၀်ထင်းမေံယာ့ဍေ အဴ ( -ဴ ) ကဴ၊
--- က ကေ၀်ဍိင် ဍေ အ်ု ( -်ု ) က်ု၊
--- က ဆေ၀်ဖၠုံးဖင့်ခေါဟ် အံ ( -ံ ) ကံ၊
--- က ဆေ၀်ဖၠုံးမေံယာ့ဏီ့ဖၠုံး ( -း ) ကး၊
( -ေ ) ဍေ ( -ေါ ) လိက်က်ုယိုင့်ဏီ့ဖၠုံးဏှ် ဟ်ုခ္ဍို၀်(ခ်ုဍို၀်) ထင်းလိက်အ်ုခါ့ ၜးကေ၀်ထင်း၀ီႋ လ်ုလိက်က်ုယိုင့်ဏှ်လှ်၊ ကေ၀်ထင်း၀ီႋ လိက်မော၀်ႋဖၠုံးဏှ်ဏေ၀်ႋအေး၊ လိက်မော၀်ႋဖၠုံးအှ်၀ေ့ သိုင့်ဆီ့ၰူ့ ဖၠုံးဏှ်တာႋ လိက်ဖၠုံးၜးဏင်ဏင် ၜးကေ၀်လ်ုလိက်ဖၠုံဆ်ုခၠါင်ဖိုင်လ်ုအှ်ၜး လာႋဏင့်သီး ကေ၀်လိက်ပါဠိသယ်အ်ုဟှင်ႋ အင်းမာဏေ၀်ႋထ၀ေ့ ဆ်ုခၠာင် အ်ုလူႋၜေ့မ်ုဍုဂ်ပါင်သို၀် ဍုဂ်လင်ထ၀ေ့ မွာဲၜို၀်လှ်၊
ဆ်ုလ်ုလိက်မော၀်ႋဖၠုံးယို၀် အင်းတာင်လင်ထ၀ယ် အ်ုလူႋအေဍုဂ်ပါင်ဆေ၀်ႋစာ်ၜို၀် မွာဲအ်ုၯေ၀်ထုက်လှ်၊ လိက်လာဲတၠာပညာ့သီး အဲဍို၀်အင်းအုဂ်၀ေ့စွးသ်ုကာလှ်၊ လိက်ဖၠုံးသိုင့်ဆီ့ၰူ့ဖၠုံးယို၀် မွာဲအ်ုလင်ဖ်ုလိုတ်ဍေလိက် ဓ၀်ႋထူ့လီဏှ် အ်ုခေါဟ်ကျံင် အင်းထိုင့်ထင်း ဏေ၀်ႋ၀ေ့မွာဲ ၜို၀်လှ်။
လိက်မော၀်ႋဖၠုံး သိုင့်ဆီ့ၰူ့ဖၠုံးအ်ုဖိုင် လိက်ဖၠုံးၜးဏင်ဏင် အ်ုလူႋၯုင်ႋအေး၊ လ်ုလိက်ဓ၀်ႋထူ့လီဖိုင်ဏှ်သီး ကေ၀်လင်ထ၀ယ်၀ေ့ ၜေ့ဏှ်သို၀်အ်ုခေါဟ်ကျံင် ကေ၀်လိက်လာဲအ်ုပၞံင့် ၜေ့လ်ုၯာၯံင်ၜးသို၀် ၜးကေ၀်ပျ လိက်ဓ၀်ႋထူ့လီ အ်ုပၞံင့်ဏှ်လှ်။
(ပၟာ့ ဆ်ုခၠါင်)
လိက်မော၀်ႋဖၠုံးအ်ုလူႋလ်ုၯုင်ႋၜးဏှ်သီးဏှ် မွာဲ၀ေ့ဍး-
ဂ - ဏှ်အ်ုလူႋအင်းလယ်သာသှ်ေဍေ -ခ၊ လှ်။
ဒ္ဂေတ် (တ်ုခေတ်)
ဂၟီ့ ( ခၟီ့ )
ဂမၠိုင်ႋ (ခ်ုမၠိုင်ႋ)
ဂလာန်ႋဖိုင်သာ (ခ်ုလာန်ႋဖိုင်သာ)
ဒ - ဏှ်အ်ုလူႋအင်းလယ်သာသှ်ေဍေ -တ၊ လှ်။
ဒဒုက် (တ်ုတုက်)
ဒ္ဂေတ် (တ်ုခေတ်)
က္တ်ုဒှ် (က္တ်ုတှ်)
ဒူရိင်သး (တူရိင်သး)
ဗ - ဏှ်အ်ုလူႋအင်းလယ်သာသှ်ေဍေ ပ-ဖ သီးဏှ်လှ်။
ဗၞိက် (ဖၞိက်)
ဆ်ုလန့်ဗကေ၀် (ဆ်ုလန့်ပ္ကေ၀်)
ဗိမ္မာ (ဖိင်ႋမာ့)
-်။ င ခွေ၀်ကာင်း လိက်မော၀်ႋဖၠုံး---
ၜးဆာင့်ဍေခွေ၀်ကာင်း လိက်မော၀်ႋဖၠုံးယို၀်ကြိုဒ်ဟ်ုၜးထံင်ဏာင်းထ၀ယ်၀ေ့ ၜေ့အ်ုဖင့်လယို၀်သို၀်လှ်၊ လိက်က်ုယိုင့်အှ်လ်ုဆီ့လီႋဖၠုံးတာႋ
အ---။ လိက်က်ုယိုင့်ယို၀် ကြိုဒ်ဟ်ုၜး ခေ၀်ကါင်းဍေလိက် မော၀်ႋဖၠုံး --- က်၊ င်၊ တ်၊ န်၊ မ်၊ ယ်၊ ၀်၊ ဟ် သီးဏှ်လှ်။
အ်ုဍံင်--
--- စ-က် စက်။ (ၜူးစက်)
--- စ-င် စင်။ (ဏေ၀့်စင်)
--- သ-တ် သတ်။ (သတ္တ၀ါ)
--- စ-န် စန်။ (မူႋအ်ုစန်) "မူႋအ်ုကျံင်"
--- ယ-ယ် ယယ်။ (ကါ်ယယ်)
--- က-၀် က၀်။ (တ်ုက၀်ဖ၀့်)
--- က-ဟ် ကှ်။ (တုင်အင်းကှ်)
အာ-ါ။ လိက်က်ုယိုင့်ယို၀် ကြိုဒ်ဟ်ုၜးခွေ၀်ကာင်းဍေလိက်မော၀်ႋဖၠုံး---က်၊ င်၊ န်၊ ယ်၊ မ် သီးဏှ်လှ်၊
အ်ုဍံင်---
--- က-ါ က ( -ါ်) ကါ် (ကါ်ယယ်) (ကေ၀်လင်ဍေ -ါ ကခွေ၀်ကာင်းဏှ် ဟ်ုကေ၀်လ်ုအ်ုဖိုဟ်ခ၀့် ၜးကေ၀် -ါ် ၜေ့ယို၀်သို၀်လှ်။)
--- ဏ -ါင် ဏါင်။ (ထာင့်ဏေ၀်ႋဏာင်ဏှ်)
--- ဖ -ါန် ဖာန်။ (ဆ်ုဖာန်ထင်းယုဂ်)
--- လ -ါယ် လာဲ။ (လိက်လာဲ) (ကေ၀်လင်ဍေ -ါ ယ် ခွေ၀်ကာင်းဏှ် ဟ်ုကေ၀် လ်ုအ်ုဖိုဟ်ခ၀့် ၜးကေ၀် -ဲါ ၜေ့ယို၀်သို၀်လှ်။)
--- ရ -ါမ် ရာမ်။ (ဘာႋရာမ်)
ဣ -ိ။ လိက်က်ုယိုင့်ယို၀် ကြိုဒ်ဟ်ုၜး ခွေ၀်ကာင်း ဍေလိက်မော၀်ႋဖၠုံး --- က်၊ င်၊ သီးဏှ်လှ်။
အ်ုဍံင်---
--- လိ -ိက် လိက် (လိက်လာဲ)
--- ဆ -ိက် ဆိက် (မာအင်းဆိက်)
--- ထ -ိင် ထိင် (အင်းဖံင့်အင်းထိင်)
--- က -ိင် ကိင် ( အင်းကိင်)
ဤ ( -ီ )။ လိက်က်ုယိုင့်အ်ု၀ေ့ယို၀် ၜးခွေ၀်ကာင်း ဍေလိက်မော၀်ႋဖၠုံးအ်ုလင်ႋအှ်အေး။
ဥ ( -ု )။ လိက်က်ုယိုင့် အ်ု၀ေ့ယို၀် ၜးခွေ၀်ကာင်း ဍေလိက်မော၀်ႋဖၠုံး --- က်၊ ဂ်၊ င်၊ ဏ်၊ ယ် သီးဏှ်လှ်။
အ်ုဍံင်---
--- ထ -ုက် ထုက် (ထုက်လာင်း)
--- မ -ုဂ် မုဂ် (မုဂ်ခေါဟ်)
--- တ -ုင် တုင် (တုင်အင်းကှ်)
--- ဂ -ုဏ် ဂုဏ် (ဆ်ုဂုဏ်ဆ်ုတာ) "ဆ်ုခုံႋဆ်ုတာ"
--- မ -ုယ် (-ုဲ) မုဲ (မုယ်) "ဟ်ုမုဲၯယ့်ထံင်" (ခွေ၀်လင်ဍေ -ု ယ ခွေ၀်ကာင်းဏှ် ဟ်ုကေ၀်လ်ုအ်ုအိင်းခ၀့် ၜးကေ၀် -ုဲ ၜေ့ယို၀်သို၀်လှ်။)
ဦ ( -ူ )။ လိက်က်ုယိုင့်အ်ု၀ေ့ယို၀် ၜးခွေ၀်ကာင်း ဍေလိက်မော၀်ႋဖၠုံးအ်ုလင်ႋအှ်အေး။
ဧ ( -ေ)။ လိက်က်ုယိုင့်အ်ု၀ေ့ယို၀် ကြိုဒ်ဟ်ုၜးခွေ၀်ကာင်းဍေလိက်မော၀်ႋဖၠုံး --- တ်၊ န်၊ ၀်၊ဟ် သီးဏှ်လှ်။
အ်ုဍံင်---
--- ဒ္ဂ -ေတ် ဒ္ဂေတ် (ဒ္ဂေတ်ပ်ု၀ါ)
-ေန်။ လိက်ခ္ဍို၀်(ခ်ုဍို၀်)အ်ု၀ေ့ယို၀် ဖၠုံလူႋစိုင်စိုင်အှ်အေး။ အ်ုလူႋထင်းဍေ လိက်ပ်ုယင်လူႋ (အင်) ဏှ် မ၀့်မှ်လှ်။
--- က -ေ၀် ကေ၀် (စူးကေ၀်ခင်းကေ၀်)
--- ဍ -ေဟ် ဍေဟ် (ဆ်ုၯယ့်ဆိုင်ဍေဟ်လင်)
ထံင်ဏါင်း --- -ေ ကေ၀်ဍိင်ဍေ ဟ် ခွေ၀်ကာင်းယို၀် အေမွာဲ လိက်ဖၠုံး အ်ုခင်းလ်ုအှ်ၜးၜေ့က၊ သီးဏှ်ၜးခွေ၀်ကာင်း "ကှ်ေ" ၜေ့ဏှ်သို၀်လှ်၊ လာဏင့်သီး လိက်ဖၠုံးအ်ုခင်းထ၀့် ၜေ့ ဍ၊ ရ သီးဏှ် ၜးခွေ၀်ကာင်း ဍေဟ်၊ ရေဟ် ဏှ်လှ်။
ဩ ( ေ-ါ)။ လိက်က်ုယိုင့်အ်ု၀ေ့ယို၀် ၜးခွေ၀်ကာင်းဍေလိက်မော၀်ႋဖၠုံး ---တ်၊ ၀်၊ ဟ် သီးဏှ်လှ်၊
အ်ုဍံင်---
--- န -ေါတ် နောတ် (နောတ်၀ီႋသူး)
--- ထ -ေါ၀် ထော၀် (ထော၀်လ်ုဍူ)
--- က -ေါဟ် ကောဟ် (ဖေါဟ်သးအင်းကေါဟ်)
အဲ ( -ဲ )။ လိက်က်ုယိုင့်အ်ု၀ေ့ယို၀် လ်ုလိက်ဖၠုံဖိုင် ၜးခွေ၀်ကာင်းဍေလိက်မော၀်ႋဖၠုံး မ်ုလင်ႋအှ်အေး။
အို ( -ို )။ လိက်က်ုယိုင့်အ်ု၀ေ့ယို၀် ၜးခွေ၀်ကာင်းဍေလိက်မော၀်ႋဖၠုံး --- င်၊ တ်၊ ဒ်၊ ယ်၊ ၀်၊ ဟ်၊ လ် သီးဏှ်လှ်။
အ်ုဍံင်---
--- ဖ -ိုင် ဖိုင် (ဖိုင်မေ၀်ဖိုင်သိုင့်)။
--- ၰ -ိုုတ် ၰိုတ် (ဆ်ုနိုင့်ၰိုတ်ဍူ)။
--- ဍ -ိုဒ် ဍိုဒ် (ဍိုဒ်လင်ၜးဍာ)။
--- က -ိုယ် ကိုဲ (ကိုယ်) (လောဟ်ကိုဲ)။
ထံင်ဏါင်း (-ိုယ်--- ဏှ်ကေ၀်လ်ုအ်ုဖိုဟ်ခ၀့် -ို လှ်)။
--- န -ို၀် နို၀် (နို၀်ဖၠေ၀်)။
--- ဖ -ိုဟ် ဖိုဟ် (ၯင်ဖိုဟ်ၯင်ထ၀့်)။
--- ဂ္ဂ -ိုလ် ဂ္ဂိုလ် (ပုဂ္ဂိုလ်)။(လိက်ဖၠုံး ပုဂ္ဂိုလ် ယို၀် ကေ၀်လိက်ဖၠုံ စိုင်စိုင်အှ်အေး။)
အံ ( -ံ )။ လိက်က်ုယိုင့်အ်ု၀ေ့ယို၀် ၜးခွေ၀်ကါင်း လိက်မော၀်ႋဖၠုံး ---င် ဏှ်လှ်။
အ်ုဍံင်--- က ဆေ၀်ဖၠုံးဖင့်ခေါဟ် ငခွေ၀်ကါင်း ကံင် (ကံင်ထ္ဍံင်(ထ်ုဍံင်))
(အဴ -ဴ ။ အ်ု -်ု ။ အး -း ) ---လိက်က်ုယိုင့်အ်ုသီး၀ေ့ယို၀် လ်ုဟ်ုကေ၀်လိက်ဖၠုံးဏှ်ၜးခွေ၀်ကါင်း ဍေလိက်မော၀်ႋဖၠုံးအ်ုလင်ႋအှ်အေး။
ကေ၀်ဍိင်---
--- လိက်မော၀်ႋဖၠုံး ဍေလိက်က်ုယိုင့်လ်ုဖး ၜးထံင်ဏါင်းၜေ့ယို၀်သို၀်အှ်ဍာ်လ်ုမိင်ဆေ၀်ႋလှ်။
လိက်မော၀်ႋဖၠုံး ---က။ ခ။ ဂ။ ဃ။ င။ စ။ ဆ။ ည။ တ။ ထ။ ပ၊ ဖ၊ ဗ၊ ဘ၊ မ၊ ယ၊ လ၊ သ၊ ဟ၊ အ အ်ုသီး၀ေ့ယို၀် ကေ၀်ဍိင်ဍေလိက်က်ုယိုင့်လ်ုဆီ့လီႋဖၠုံးဏှ် ကဲလုက်ဆိင့်လှ်။
-ိ -ီ --- ယို၀်ဟ်ုကေ၀်ဍိင်ဍေလိက်က်ုယိုင့် -်ု ၜေ့သို၀်အှ်အေး။
ဒ၊ ဋ၊ ဌ၊ ဍ၊ ဎ ယို၀်ဟ်ုကေ၀်ဍိင်လိက်က်ုယိုင့် -်ု (ဒ်ု၊ ဋ်ု၊ ဌ်ု၊ ဍ်ု၊ ဎ်ု )ၜေ့ဏှ်သို၀်အှ်အေး။
န ---ယို၀် ဟ်ုကေ၀်ဍိင် ဍေလိက်က်ုယိုင့် ( -်ု၊ -ေ၊ -ဲ၊ -ိ၊ -ီ၊ (န်ု၊နေ၊ နဲ၊ နိ၊ နီ) န်ု၊ နေ၀့်၊ နဲစို၀်၊ နိင်းခင်းထာ်၊ လ်ုနီယို၀်) ၜေ့ဏှ်သို၀်ဏေ၀်ႋအေး။
ဏ---ယို၀် ဟ်ုကေ၀်ဍိင် ဍေလိက်က်ုယိုင့် -ု၊ -ေါ၊ -ို ၊ ဏှ်ဏေ၀်ႋအေး။ (ဏုက်လင်)---(ဏောတ်၀ီႋသူး)---(ဏို၀်ဖၠေ၀်)။
ထံင်ဏါင်း--- ---
န --- ယို၀်ခွေ၀်ကါင်း ဍေ ယ် (နယ်) ၜေ့ဏှ်သို၀်ဏေ၀်ႋအေး။
ဏ--- ဏှ် ၜးခွေ၀်ကါင်းဍေ ယ် (ဏယ်အင်း) ၜေ့ဏှ်သို၀်လှ်။
န --- ခွေ၀်ကါင်းဍေ ဟ် (နဟ်) ၜေ့ဏှ်သို၀်ဏေ၀်ႋအေး။
ဏ--- ဏှ်ၜးခွေ၀်ကါင်း ဍေ ဟ် (ဏှ်) ၜေ့ဏှ်သို၀်လှ်။
န --- ဏှ်ခွေ၀်ကါင်းဍေ ၀် (န၀့်သး၊ န၀့်ဖ၀့်) ၜေ့ဏှ်သို၀် ဏေ၀်ႋအေး။
ဏ ---ဏှ်ၜးခွေ၀်ကါင်းဍေ ၀် (ဏ၀့်သး၊ ဏ၀့်ဖ၀့်) ၜေ့ဏှ်သို၀်လှ်။
န --- ဏှ်ခွေ၀်ကါင်းဍေ င် (နင်းထင်းၜးဏ်ု) ၜေ့ဏှ်သို၀် ဏေ၀်ႋအေး။
ဏ ---ဏှ်ၜးခွေ၀်ကါင်းဍေ ၀် (ဏင်းထင်းၜးဏ်ု) ၜေ့ဏှ်သို၀်လှ်။
ထံင်ဏါင်း--- ---
ဏ---ဏှ်ကေ၀်ဍိင်ဍေ -ု (ဏုက်လင်) ၜေ့ဏှ်သို၀်ဏေ၀်ႋအေး။
န---ဏှ်ကေ၀်ဍိင်ဍေ -ု (နုက်လင်) ၜေ့ဏှ်သို၀်လှ်။
န---ဏှ်ကေ၀်ဍိင်ဍေ -ါ (နာ) ၜေ့ဏှ်သို၀်ဏေ၀်ႋအေး။ (ကေ၀်လင်ဍေ -ါ)
ဏ---ဏှ်ၜးကေ၀်ဍိင်ဍေ -ါ (ဏါ) ၜေ့ဏှ်သို၀်လှ်။ (ကေ၀်လင်ဍေ -ါ)
န---ဏှ်ကေ၀်ဍိင်ဍေ -ီ နီ (လ်ုနီယို၀်) ၜေ့ဏှ်သို၀်ဏေ၀်ႋအေး။
ဏ---ဏှ်ၜးကေ၀်ဍိင်ဍေ -ီ ဏီ (လ်ုဏီယို၀်) ၜေ့ဏှ်သို၀်လှ်။
န --- ဏှ်ၜးကေ၀်ဍိင်ဍေ -ူ နူႋ (နူႋထီ့) ၜေ့ဏှ်သို၀်လှ်။
န --- ဏှ်ကေ၀်ဍိင်ဍေ -း နး (နးသှ်ေ) ၜေ့ဏှ်သို၀်ဏေ၀်ႋအေး။
ဏ --- ဏှ်ၜးကေ၀်ဍိင်ဍေ -း ဏး (ဏးသှ်ေ) ၜေ့ဏှ်သို၀်လှ်။
န --- ဏှ်ကေ၀်ဍိင်ဍေ -်ု န်ု (န်ုဍေယ်ု) ၜေ့ဏှ်သို၀်ဏေ၀်ႋအေး။
ဏ --- ဏှ်ၜးကေ၀်ဍိင်ဍေ -်ု ဏ်ု (ဏ်ုဍေယ်ု) ၜေ့ဏှ်သို၀်လှ်။
ခ္ဍို၀်(ခ်ုဍို၀်)ထင်းလိက်အ်ုခါ့ အေမွာဲခ္ဍို၀်(ခ်ုဍို၀်)ဍိင် လိက်က်ုယိုင့် -် င ခွေ၀်ကါင်းလ်ုမိင်မိင်ဏှ်တာႋ ဟ်ုၜးကော၀်ထင်း၀ီႋ လ်ုလိက်က်ုယိုင့်ဏှ်လှ်၊
အ်ုဍံင်---
ကိင် ဏှ် ဟ်ုခ္ဍို၀်(ခ်ုဍို၀်)ထင်းတာႋ ဟ်ုၜးကော၀်ထင်း၀ီႋ လိက်က်ုယိုင့် -ိ ဏှ်ၯံင်။ လ်ုခါင့်ၜးခ္ဍို၀်(ခ်ုဍို၀်)ထင်းထာင် င် ခွေ၀်ကါင်းဏှ်လှ်။
ဆ်ုဏှ်အ်ုခေါဟ်ကျံင်---
---က ကေ၀်ထင်းဍေ -ိ င ခွေ၀်ကါင်း ကိင် ၜေ့ဏှ်သို၀်လှ်။
---က ကေ၀်လင်ဍေ -ါ င ခွေ၀်ကါင်း ကါင်
---က ခွေ၀်လင်ဍေ -ု င ခွေ၀်ကါင်း ကုင်
---က ကေ၀်ဍိင်ဍေ -ို ၀် ခွေ၀်ကါင်း ကို၀်
ၜေ့ဏှ်သို၀် လိက်ဖၠုံးအ်ုၯူ့ၯာဏှ်သီး ဟ်ုခ္ဍို၀်(ခ်ုဍို၀်)ထင်းအ်ုခါ့ ဟ်ုၜးကော၀်ထင်း၀ီႋ လိက်က်ုယိုင့်ၯံင်၊ လ်ုခါင့်ဟ်ုၜးခ္ဍို၀်(ခ်ုဍို၀်)ထင်းထာင်သာ့ ခွေ၀်ကါင်းဍေလိက်မော၀်ႋဖၠုံးလ်ုမိင်မိင်ဏှ်လှ်။
----------------------------------------------------------------------------------------------------------
Comments
Post a Comment